2024 жылы 17 қыркүйек Түркістан қаласы «Төлеби атындағы №19 жалпы білім беретін мектеп» КММ базасында «Махамбет оқулары» республикалық байқауының облыстық кезеңі өтті

Махамбет оқуларының негізгі мақсаты — мектеп оқушылары арасында Махамбеттің ұлтына ұран болған рухы биік туындыларын насихаттау; 

-оқушылардың шығармашылық қабілеттерін, эстетикалық талғамдарын дамыту, тарихи санасы мен танымдарын, ізгілікке, демократияға және азаматтыққа бағдарланған дүниетарымдары мен сана — сезімдерін, өмірлік айқындамаларын қалыптастыру.

Байқау 5-номинация бойынша өтті: 

бағыт — «Ұлы арман» — Махамбет шығармаларын иллюстрациялық суреттер салу;

бағыт — «Ел құтқарар ер едім…» — Махамбет шығармаларын жатқа оқу конкурсы; 

бағыт — «Шашақты найза,шалқар күй» Махамбет күйлерін орындаушылар конкурсы;

бағыт — «Тартынбай сөйлер асылмын…» жас ақындардың өз туындыларын мәнерлеп оқу;

бағыт — «Біз неткен ер,неткен ер? Сергелдеңмен өткен ер» — «Хандар мен ел билеушілер» тақырыбының бірін қорғау.